Captain America-in nupui a nei ta

'Captain America: The First Avenger' star Chris Evans chuan kar liam ta Inrinni khan nupui a nei nia sawi a ni.

Page Six-in a tarlan danin, kum 42 mi Chris Evans leh a nupui hual, kum 26 mi Alba Baptista-te chu Cape Cod, Massachusetts-a an inah an inkutsuih a, an inneihnaah hian chhungkua leh ṭhian hnai tlemte chauh an sawm. Inneihna hmanpuitu zingah hian Chris-a Marvel co-star Robert Downey Jr, Chris Hemsworth leh Jeremy Renner-te pawh an tel. Inneihnaa sawmte hi NDA (Non-Disclosure Agreement) ziahtir vek an ni a, an mobile phone pawh hman phalsak an ni lo niin report chuan a tarlang.

Chris leh Portuguese actress, Alba-te hi kum 2022 November thla khan an inzui tih report a ni a, May thla khan an inhual nia sawi a ni leh bawk.