Sylvester Stallone-a fan Pope Francis

Catholic Church hotu, Pope Francis chuan Rambo star, Sylvester Stallone hnenah a fan a nih thu a hrilh.

Sylvester Stallone-te chhungkua hian Vatican City tlawhin September 8 khan Pope Francis hi an hmu a, thlate an la ho a ni. Stallone hian a hun chep tak kara a hmu thei chu lawmthu hrilhin, Pope hian a film a en nasat ṭhin thu a lo hrilh a ni. An pahnih hian an inhnek der zui bawk a, room chhunga awm midangte pawhin an lo hlimpui hle.

Kum 77 mi, Stallone leh a nupui Jennifer Flavin-te hian nikum August thla khan inṭhen tumin lehkhate an theh lut a, mahse, thla khat hnuah hei hi ṭhulh lehin inkawprem takin an awm zui leh. Tun hnaiah an fanute pathum nen Vatican City tlawhin, Pope hi an hmu an ni.