Shania Twain-i'n Adele nena zai dun a chak

Canadian singer-song writer Shania Twain chuan Adele nena hla record dun a chak thu a sawi.

Shania Twain hian British singer, Adele-i'n nikum November thlaa Las Vegas-a concert a neih ṭum pawh khan a ruka a kal thu a lo sawi tawh. 'Zai dunpui ka chak a, mawi takin kan zai dun theih ka ring. Zaithiam tak, style dangdai tak nei, performer ropui tak a ni bawk a, ka duh zawng tak a ni," tiin a fak hle.

Kum 58 mi ni tawh, Shania Twain hian kum ruk hnuah nikum khan a album' Queen of Me' a tichhuak a, tunah hian hla record tur eng emaw zat a neih avangin album dang pawh a siam leh thuai a beiseiawm.