Billboard 200: Kar hnih chhung a chung berah Zach Bryan

Billboard 200 albums chart-ah Zach Bryan-a self-titled album, "Zach Bryan" chu a kar hnihna atan no. 1-ah a awm chhunzawm. Kum sarih hnua rock album zingah album chart-a kar hnih chhung no. 1-a awm leh thei hmasa ber a ni.

"Zach Bryan" hian a kar hnihnaah equivalent album unit 115,000 a nei leh a, a album-a hla 16-te hian on-demand official stream mtd 144.08 hu an nei leh bawk. Album sales hi 3,000 a la tling bawk a ni.

Morgan Wallen chuan "One Thing at a Time" chu no. 2-ah a rawn chhohpui leh a, equivalent album unit 84,000 a la nei. Hun rei tak no. 1 dinhmun lo hauh tawh, Travis Scott (II) "Utopia' chuan unit 72,000 neiin Nn. 3-ah a tla thla thung.

September 1-a mual liam ta, Jimmy Buffett-a'n 1985-a a tihchhuah, "Songs You Know by Heart: Jimmy Buffett's Greatest Hit(s)" chu Billboard 200-ah rawn lang thar lehin no. 4-ah a awm. Taylor Swift "Midnight" chuan Top 5 a rawn khar a ni.

Top 10-ah hian SZA "SOS", "Barbie" soundtrack bakah Peso Puka "Genesi", Taylor Swift "Lover" leh Morgan Wallen "Dangerous : The Double Album"-te an la lang chhunzawm bawk.