VMA 2023-ah Taylor Swift bawk a ropui

14th September, 2023

MTV Video Music Awards 2023 chu Newark, New Jersey-a Prudential Center-ah an ram huna Thawhlehni zan khan sem a ni a, tunlaia thawm nei lian Taylor Swift a che ṭha leh ber a, category pakuaah award a dawng.

Taylor Swift hi a pumpuia VMA award dawng hnem ber dawttu a ni ta a, award hi 23 dawng tawhin 30 dawng tawhtu Beyonce erawh a la pha lo.

Nicki Minaj pawhin a ṭum ngana atan best hip-hop award a dawng a, kumina award semnaah hian emcee a ni bawk.

Shakira chu South American artist zingah ngaihhlut hlawh tam Video Vanguard Award dawng hmasa ber a ni a, minute 10 chhung a hit-ho medley a perform bawk. Sean 'Diddy' Combs hnenah Global Icon Award hlan a ni bawk a ni.

Award sem zana perform zingah hian Megan Thee Stallion, Cardi B., Demi Lovato, Olivia Rodrigo, Kaliii, Stray Kids te an tel. Hip-hop 50th anniversary lawmna pualin Grandmaster Flash, Nicki Minaj, Lil Wayne, LL Cool J leh artist dangte'n show hi ropui takin an khar.