Taylor Swift Netflix Documentary

Taylor Swift Netflix Documentary Miss Americana chu tun thla tawpah hian en theih turin tihchhuah a ni tawh dawn a, January 31 hian theatre ṭhenkhatah leh Netflix lamah chuan en theih tura tlangzarh a ni dawn.

Hemi chungchang hi Nilaini tlaiah khan Taylor Swift chuan tarlangin Instagram-ah Miss Ameri­cana official movie poster hi a dahchhuak a ni. Miss Americana hi Tay­lor Swift documentary a nih angin a nun hmandan ṭhenkhat tarlan a ni ang. He film hi Lana Wilson direct a ni a, January 23 hian 2020 Sundance Film Festival-ah premiere tum a ni. Netflix chuan he documentary hi rilru hneh tak a nih thu tarlangin, Taylor Swift-i'n a nuna thil inthlak danglam hunlai a hmachhawn dan chu ropui an tih thute pawh an lo sawi tawh bawk.

Nikum November khan Swift chuan he documentary a tihchhuah tur chungchang hi a sawichhuak a, a music label hlui Big Machine Records neitu leh dintu  Scooter Braun leh Scott Borchetta-te chuan he docu­mentary-ah hian a music leh a performance footage hluite hman an phalsak loh thute a sawi a ni. Heihi Big Machine chuan pha mah se Swift aiawha email tlangzarhah chuan Big Machine thuneitute'n an phalsak lohnate chu tarlan a ni a, hemi avang hian Big Machine lam hian December thlaah khan phalna an pe leh ta a, tunah chuan documetary tihchhuah hun tur pawh hi tarlan a ni thei ta a ni. Minute 85 vela sei a ni dawn a, Tremolo Productions chuan a produce sak dawn bawk. Taylor Swift fan khaw­­vel hmun hrang hranga mite chuan Miss Ameri­cana hi an nghakhleh tawh hle ngei ang.