Busan Film Festival-a Actors House-a inlan tur puang

28th Busan Interna-tional Film Festival (BIFF) chuan festival chhunga special talk program a buatsaih ṭhin, Actors House-a inlan turte a puang.

Actors House-ah hian contemporary film industry aiawh turin actor-te sawm an ni ṭhin a, anni hian an film chan hrang hrang chungchang te, behind the scene leh an hmachhawp neihte an sawi ṭhin. Kumina he programme-a inlan tura sawmte chu Song Joong Ki, Han Hyo Joo, Youn Yuh Jung leh John Cho-te an ni.

Youn Yuh Jung hian Korean actress zinga a hmasa ber turin, 93rd American Academy Awards-ah a film 'Minari' hmangin Best Supporting Actress a dawng. Han Yyo Joo hi 'Believer 2'-a changtu niin, Sooong Jong Ki hi 'Hopeless'-ah a chang a, 26th BIFF opening ceremony a lo host tawh bawk. John Cho hi Korean-American actor leh writer a ni thung.

28th Busan Interna-tional Film Festival hi October 4-13 chhungin Busan Cinema Centre-ah neih a ni ang.