Zuckerberg-a'n kumthar duhsakna a hlan che

A tel loa i tlei hleih tawh lohna Facebook neitu Mark Zuckerberg chuan Facebook khawvela chetla ṭhin zawng zawngte kumthar duhsakna a hlan. FB i khawih ve ṭhin a nih chuan nang pawh duhsakna a hlan zingah hian i tel tihna a ni.

Kum 31 mi Mark Zuckerberg, "Kum 2016 hi hlim tak leh hrisel taka i thlen ngei ka beisei. Khawvelin chona thar leh thil thar a hma chhawn mek lai hian, nang pawh he chona thar hmachhawn a, hlawhtling ngei tura i hun leh ni i chhiar chhoh ngei ka beisei a ni," a ti.

Khawvel mi hriat hlawh a ni bawk a, Mark Zuckerberg thil post chuan ngaihven a hlawh hle a, rei lote chhungin mi maktaduai khatin an like bakah, mi 14000 chuangin an share hman a ni.

Mark Zuckerberg thil post-a comment tu pakhat chu Facebook a awm avangin a lawm hle mai,"Mark ka lawm e. I zarah khawvel hmun hrang hrang a mite kan inbe pawp thei a, kms. thui tak taka kan chhungte FB kaltlangin ka be thei a ni," a ti.