Lammualah 'hlimna hmasa' a awm dawn e!

Tlai dar 3:30-a football inkhel tur a ni a, chawhnu dar 1:30 leh dar 2:30 inkar chu zaithiam langsarte'n Lammuala mipui pungkhawm an awi dawn - January 6 tlaia Mizoram XI leh German Students National Football Team inkhelh hmaa thil thleng tur a ni.

Mizo zaithiam zinga mipui lawm hlawh rual - Sangtei Khuptawng, TBC Zaithanpuia, Grace Lalchhanhimi leh chuai thei lo H Vanlalhlana-te an inlan dawn.

Khawvel hmun danga event lian thama an tih angin Lammuala inkhel turah hian tlai dar 3:00-ah gate khar tur a ni a, inkhel ṭan dawna mipui innek buai awm lo turin ruahmanna siam a ni. Lammuala mipui pungkhawmte awi tlei tur hian zai thiam thlan chhuahte hi an zai dawn a ni.

Concert en turin ticket lei a ngai a, zaithiam zai leh inkhel hmuhnawm en kawp theihna ticket a lei theih dawn tihna a nih chu! Lammualah inkhel en turin hun hlimawm an siam a, chumi hma chuan zaithiam rualin mipui pungkhawmte 'hlimna hmasa' an siamsak dawn - Nilaini tlai mai hi a ni ta.