NSYNC hla thar 'Better Place' chhuak dawn

NSYNC member-te chu 2023 MTV Video Music Awards semnaah an rawn inlan ho a, hei hian an fan-te pawh a ti phawklek hle. Hemi hnu, Ningani khan kum 20 chuang hnua an hla thar hmasa ber tur, 'Better Place' tihchhuah a ni dawn tih an puang a, a hla ṭhenkhat lai chu animated franchise 'Trolls Band Together' trailer-ah hman a ni.

'Better Place' hi September 29 hian a chhuak dawn a ni. Band member Justin Timberlake, JC Chasez, Lance Bass, Chris Kirkpatrick leh Joey Fatone-te hi an band darh hnuah 2013 MTV VMA Awards-ah perform hoin, 2018-a Hollywood Walk of Fame star ceremony-ah an lo inlan ho tawh bawk a, mahse hengah hian inzawmkhawm leh music thar siam lam erawh an sawi lang lo.