Fate hmangaihtu Prince William

Prince William hi pa ṭha tak a ni dawn a nih hmel a, tun hma chuan thil lung-kham leh enghelh em em nei ngai lo mah se, fa a neih hnu chuan a fate'n a rilru an luah hneh thu a sawi.

Kate Middleton nena fa pahnih nei tawh Prince William chuan, "Tun hma kan chuan ka rilru a na ngai loin, lungkham em em ka nei lo. Tunah chuan ka fate hian ka thu an awih loin, min ti lunghnur ang tih ka hlau hle. Pa ka nih tak hnu hian khawvel hi eng anga hlu nge a ni tih ka hrechiang leh zual a ni," a ti.

Prince William chuan naupang tet
aṭanga nun uluk a pawimawh thu a sawiin, palace a chen tawp tur a ni lo tiin, vah chhuah a, khawvel hi enge a nih chiah hriat chian a pawimawh thu a sawi.

Kum 2007 a a nu Diana-i'n a thihsan Prince William chuan a naupan lai chanchin tlem sawi chhuakin, "Ka nu in charities leh organisation hrang hranga min hruai a, enge thil thlen dan min hmuh tir ṭhinte kha ka hre reng ṭhin," a ti.