Billboard-a album ṭha

Tun ṭum chu an hralh hnem lam emaw, mipuiin an duh dan lam emaw aṭanga teh loin, critics rualten an teh ve thung. Billboard chuan kumin chhunga critics te tehna aṭanga album ṭha a thang chhuak a, ṭhenkhat hi chu Mizorama kan hriat lar lutuk loh te a ni.

Critics ten Bilboard album ṭha ber an thlan chhuah chu Kendrick Lamar-a album 'To Pimp a Butterfly' kha a ni. He album hi amah Lamar pawhin a hlawhtlinpui hle a, BET Hip Hop Award for Best Album of the Year, NME Award for Best Album-ah te nominate a nih phah nghe nghe. Pahnihnaah chuan Original Broadway Cast 'Hamilton' kha a ni a, broadway-a tihchhuahhoah chuan he album hi hralh pawh a kal khawp mai. hip-hop, R&B, rap music te chawmpawlhna leh dahna a ni a, a musical value pawh a sang hle. Pathumnaah Grimes album 'Art Angels' a awm a, most futuristic pop album tih ngam khawpa album
ṭha a ni. A music chhung≠ah hian reggae beat, nu metal guitar te inchawih mawi taka phum a ni.

Palinaah Vince Staples album 'Summertime ë06' a awm a, panganaah Adele album hit '25' a lang bawk. Top 10-ah hian Jamie XX album 'In Colour' te, Alabama Shakes album 'Sound and Colour' te, D'Angelo album 'Black Messiah' te, Father John Misty album 'I Love You Honeybear' leh Jason Isbell album 'Something More Than Free' te a lang.