Coachella-ah GnR leh Harris

April 15-17 chhung hian Coachella Festival neih leh a ni dawn a, heta zai turte hming an puang ṭan a, an paun chhuah tharte chu Guns 'N' Roses leh Taylor Swift bialpa Calvin Harris te an ni. Mite ngaihven chu Guns 'N' Roses vocalist Axl Rose leh an guitarist ṭhin Slash te stage khata an cheho leh tur hi a ni. Zai tur dang an puan chhuah tawhte zingah Zedd, A$AP, Rocky, CHVRCHES, Halsey, James Bay leh Vince Staples te an tel.