C. Sanga Essy-i J. Lalremruati Ṭhazualah hmun an luah sang ber

Nikum chhunga Ṭhazual Lengzem chart bikah Essy, J. Lalremruati leh C. Sanga ten pakhatna an luah ngun ber a, Essy hi mimala pakhatna hauh ngun ber a ni a, hla pahnih hmangin pakhatna din­hmun vawi li a luah thei a, C. Sanga pahnihna dinhmun luah ngun ber a ni a, hla pahnih hmangin pahnihnaah vawi ruk a lang thei. Anni pathum hi top chart vawi thum thleng thei an ni.

Kum 2015 chhung khan Ṭhazual Lengzem chart-ah hian pakhatna hauh thei mi 14 an awm a, heng zingah hian Essy chauh hi pakhatnaa awm thei hla pahnih nei awm chhun a ni. A music video hmasa ber 'Inchhuang mai lo la' tih hla hmangin nikum January-a lengzem chart tihchhuah hmasak berah pakhatna a rawn hauh nghal a, he hla hi top 10 aṭanga a tawlh liam hmain a hla hit 'Hey' chu top 10-ah a rawn lang nghal leh thei bawk. 'Hey' hi a music a ṭha a, a genre lamah tunlaia Mizote duhzawng tak a ni bawk a, a vawi khat rawn lannaah pathumnaah a rawn kai nghal d‚wr. Ṭhazual Lengzem chart-a vawi khat lannaa pathumnaa awm nghal dawrh thei hla hi awm chhun a ni. DJ Lalvenhimi hla hit 'Liam mai rawh' kha kum 2014 khan a vawi khat lannaah palinaah a rawn lang thei a, DJ-i a rawn khum.

J. Lalremruati, J&J tia kan hriatlar, unau duo-a mi kha Zo rimawi khawvelah a rawn kir a, hnu hma ropui a rawn hnutchhiah lehnghal a, a nuṭa, J&J-a a zaipui, Tetea J nen Zo rimawia an rawn kir leh th‚wm a lian hle. J. Lalremruati hla 'Inhrilh dun ang' tih chu pakhatnaah vawi thum a awm thei bawk.

Mipaah chuan C. Sanga hi tunlai Zoramah chuan a la ropui ber a tih loh theih loh ang. Nikum chhung khan Ṭhazual Lengzem chart-ah hian mipa zingah pakhatna hial thleng thei paruk an awm a, chung zingah chuan C. Sanga chauh hi pakhatnaa vawi thum zet awm thei awm chhun a ni a, chu bakah top 10-a lang rei thei ber a ni a, vawi 15 zet top 10-ah hian a lang thei. 'Chhingkhual lenmawi' hla hmangin pakhatnaah ṭum thum a awm thei. A hla dang 'Lendun a rem lawm ni' tih chuan pahnih hial a thleng thei bawk.

Pakhatna dinhmuna ṭum hnih awm thei hi mi pali an awm a, DJ Lalvenhimi 'Khua tuah loh di', Tetea J 'Chawlhni tlai len', Samuela Chhangte 'Lungrun' leh Manuna 'A riang tawna'n' tihte a ni. Kum 2014 khan Lengzem bikah hian pakhatna hauh thei mipa an tlem hle a, nikumah erawh pakhatnaah hian mi hrang hrang 14 lang zing≠ah hmeichhia 6 leh mipa paruk an awm. Pakhatna hauh thei dangte chu Kolkata Mizo Students, Feli Fanai, Thiamchantira, Lawmi Khiangte, Lancy, Mathlenga leh Remkimi Cherput te an ni.