Taylor Swift-i'n sum a thawh hnem ber

Milarte hi an sum lakluh a tam ang bawkin midangte ṭanpui nan sum an pe chhuak hnem hle bawk. Milarten sum tam tak mite ṭanpui nan an theh chhuak a, milar rau rau zingah Taylor Swift chu sum thawh hnem ber a ni.

Taylor Swift hian ṭanpuitu pawl hrang hrangte hnena sum a pek ṭhin mai bakah, mimal damlo a kan a, sum ṭhahnem tak pek a ching hle bawk. Milar sum thawh hnem hi Celebs Gone Good List tia tihchhuah a ni. Taylor Swift hian nikum khan a concert en tum em em pakhat, leukemia a nei avanga en thei ta lo hnenah USD 50,000 lai a pe. Heti hian Swift hi a zawnin kum riat chhung zet chu milar zinga mite hnena ṭanpuina sum pe chhuak hnem bera thlan a nihna a ni.

Miley Cyrus chu pahnihnaah a awm a, ani hian Happy Hippie foundation a nei a, hemi kaltlang hian sum tam tak a pe chhuak. He foundation hi ṭhalai, chÍnna tur nei lote ṭanpuina tura a din a ni. Beyonce chu pathumnaah a awm a, ani hian Stand Up To Cancer Foundation hnenah sum a thawh hnem ṭhin hle a, he foundation hi cancer tuarte tana din a ni a, hei bakah hian music zir duh leh music hmanga eizawng duh, ṭhalai music-a tuite ṭanpuina turin Music Rising-ah sum a thawh ṭhin bawk.

Angelina Jolie chu palinaah a lang a, ani hi khawvel pumpuiah mite ṭanpuina kawngah hriat lar a ni. Hmeichhiaten dikna leh chanvo an neih theih nana beitute sumin a pui a, zirna tihhmasawnna kawngah te, raltlan enkawlna kawngah te a thawh hlawk hle. Ani hi tunah hian United Nations High Commissioner for Refugees a ni mek. Wrestler lar John Cena chu panganaah a lang phak. A thawhhlawkna hmun chu Make-A-Wish Foundation-ah a ni.