Zenfone Zoom a hnai

Asus chuan Zenfone Zoom an tichhuak ṭep tawh niin gadget lam chanchin ziaktute chuan an tarlang. Nikuma CES-ah khan Zenfone Zoom hi pholan a ni a, a hnu lawkah Asus chuan an tihchhuah har loh tur thu an puang leh a ni. Asus-in a sawi dan chuan he phone hi tun thla hi chuan India-ah zawrh chhuah a nih a rinawm.

Zenfone Zoom hian 13MP camera a nei a, 3X optical zoom a support bawk. Hei bakah hian Laser Auto Focus leh Optical Image Stabilization (OIS) te thuam a ni. Asus Pixelmaster bilh tel a ni dawn a, hei hian Íng ṭhat lohna hmunah pawh thlalak fiah ṭha a awm theih nan a thawk a ni.

Zenfone Zoom hi chi hnih tihchhuah tur a ni dawn a, pakhat chuan processor-ah tom Quad Core Z3580 a hmang a, pakhat leh chuan Z3590 a hmang thung. A khawi zawk hi nge India-ah hralh chhuah a nih ang tih a hriat loh a, a pahnih pawh hian a ni mai thei. A hmai hi inchi 5.5-a hlai a ni ang a, a display hi 1080p a ni ang a, a hmaiah hian Gorilla Glass 4 hman a ni dawn. Hei bakah hian a RAM hi 4GB a ni a, a battery hi a ṭhat hmel viau a, 3000mAh a ni ang a, a storage lam erawh 64GB aṭanga 128GB a ni ang. US-ah chuan February-ah an zuar chhuak dawn a, USD 399 man a ni ang a, India-ah hian eng zat man tur nge tih erawh a la hriat loh.