GreenRocketTV 'Rawng Chawhpawlh' a chhuak dawn e

Green RocketTV-in an YouTube channel-a 'Chhungkaw Chhehchhawl' behchhana film an siam, 'Rawng Chawhpawlh' chu September 19, Thawhlehni zan 7:00-ah Vanapa Hall-ah tlangzarh a ni dawn ta.

He film-ah hian chhungkaw chhehchhawl inhmangaih takte tana an inhmuh theihna ve chhun, gas lak ni leh tui kang nghah hlutzia a rawn lang. Kristian ṭheuh si, rinna hrang avanga khawtlanga inmil lohna leh inṭhen hranna awm ṭhinte pho lan a ni. Hemi rual hian ṭhalai lamah an inkawmna leh ṭhian inkara kohhran leh rinna hrang a len ve loh dante tarlan tel a ni bawk.

A changtute hi Green­RocketTV chhungkua aṭangin Tommy Rosangliana, Zoparmawii, Lalduhawmi, Lalchhandami, Thangbiakzuala, Zorammawia te an inlan a, anni bakah

Maruata Hnamte, Eddie tochhawng, Maruata Rawite, Rosangpuii Ralte, Vanlalawmpuia, Zomuansangi-te an chang bawk. A changtupa leh changtunu chu Tommy leh Zopari-te an ni.

'Rawng Chawhpawlh' hi GreenRocketTV production buatsaih niin, an crew member-te chu Director - Abarim Lalrammawia, Director of Photography- Samuel Lalrinnunga, Production Designer - Nathan Lalhruaitluanga, Line Producer - Angela L Sailo, 1st Assistant camera man - Lallawmsanga, Make up artist - Make up by Lanfel te an ni.

September 22 zanah Vaivakawn leh Chanmari, Aizawl; Serchhip auditorium leh Saikuti Hall, Lungleiah te chhuah a ni dawn a, September 23 zan aṭangin Lersia Play-ah chhawp chhuah a ni ang.