BTS Suga sipaia ṭan hun tur puang

BTS Suga chu an ram danin a phut angin sipaiah a ṭang ve dawn ta.

BIGHIT MUSIC chuan nimin khan Suga hi September 22-ah sipaiah a ṭang tawh dawn tih a puang. BTS member zinga sipaia lut pathumna a ni ang. A hma hian Jin leh J-Hope te pawh an lo lut tawh bawk.

South Korea ram danah chuan mipa, kum 18-35 inkarte chu an taksa lama an fit a nih chuan sipaiah thla 18-21 an ṭan ngei ngei a ngai. He dan hi kum 1957 aṭangin an hmang tawh a ni. A tirah chuan thla 30 chin tur tih a ni a, mahse, a hnuah thla 18-21 inkarah tihtawi a ni ta zawk a ni.