American Idol zingah Adam Lambert a hlawhtling ber

Nikum chhunga an sum lakluh aṭanga chhutin, American Idol aṭanga khawvelin a hriat larte zingah Adam Lambert chuan sum a lalut hnem ber.

Forbes chuan American Idol-a mite zingah kum 2015 chhunga sum lalut hnem ber a tarlang a, Adam Lambert hian sum a lalut hnem ber a, pahnihnaah Carrie Underwood a awm. Lambert hian kum 2015 chhung khan USD mtd 10 zet a thawk chhuak thei a, a sum hmuhna langsar deuh mai chuan Queen tana a zai vang a ni.

Pahnihna Carrie Underwood hian nikum chhung khan USD mtd 8 zet a thawk chhuak bawk a, a sum hmuhna lian tak mai chu a album Storyteller a ni. He album hi October thlaa a tihchhuah kha a ni a, hei bakah live performance aṭangin sum a lalut hnem hle. American Idol season 4-a pakhatna hi kum 2014 khan Idol zinga sum lalut hnem ber a ni ṭhin a, nikum kha chuan Lambert hian a rawn khum a ni. Storyteller Tour nei turin a inbuatsaih mek a, tun thla aṭangin a
ṭan ang.

Chris Daughtry chu pathumnaah awmin USD mtd 5 a hlawh chhuak thei a, panganaah Scotty McCreery leh Kelly Clarkson te awmin USD mtd 4 ve ve an thawk chhuak thei.