Xmas & New Year Festival an la chhunzawm

Nikum December 17 aṭanga neih ṭan tawh, Christmas & New Year Festival chu neih chhunzawm zel a ni a, Beraw tlangah tlai dar 5 aṭanga zan dar 11 thleng festival hi hman a ni.

He festival-ah hian Dance Floor buatsaih a ni a, Dance Floor-ah hian dance battle neih ṭhin a ni a, entry hi Rs. 50 a ni. Thawhlehni zan hian Oldies Night hman a ni dawn a, hla duh zawng request hun siam a ni ang. He festival hi EA Management buatsaih a ni a, a hmunah hian ei tur chi hrang hrang a awm a, intihhlimna tur chi hrang hrang bakah karaoke leh 3D te a awm bawk.