Clarkson nge Underwood?

American Idol-a tel tawh zingah tunge hlawh≠tling ber tiin Ryan Seacrest zawt ta la ani chuan 'Carrie Underwood' tiin a chhang ang che.

Christian Today-in Ryan Seacrest zawhna an zawh, 'Tunge American Idol ni tawh zinga hlawhtling bera i hriat? Kelly Clarkson a ni em? Nge Carrie Underwood zawk?' tih chu Seacrest hian 'Carrie Underwood' tiin a chhang.

"Kelly pawh hi a hlawh≠tling em em. Kum≠thar hmanaah Carrie te bul hnaiah ka awm a, ani hi hlawhtling tak tak a ni. Chuvang chuan Kelly ai chuan Carrie hi a hlawhtling zawk ka ti ngam" a ti. American Idol hi season tawpna ber tur tunah hian kalpui mek a ni a, he show hi kum 2002 aṭanga buatsaih ṭan a ni.

American Idol tawp tur chungchangah Seacrest chuan, "Nipui apiang≠a audition kan neih ṭhin te, chumi hnuah Idol kan han ṭan tak tak te, khang te awm tawh miah lo tur ka nun hi a khawhar dawn hlein ka hria," a ti.

Carrie Underwood hian tunah hian a studio album pangana a hlawhtlinpui leh mek. He album hi Storyteller a ni a, he album-a hla
ṭhenkhat hi a pasal, Mike Fisher leh a fapa, Isaiah Michael te behchhana a phuah a ni nual mai. Storyteller-a hla Smoke Break, Heartbeat leh Renegade Runaway te chu single-in a tichhuak a, a hlawhtling hle.