Golden Globe Awards -A dawng langsar zingah Lady Gaga

Khawvelin movie huang chhunga inchawimawina a ngaihhlut berte zinga Golden Globes Awards chu Pathianni zan khan sem a ni a, movie malah chuan The Revenant leh Steve Jobs te a langsar a, milar dawng zingah Lady Gaga kan hmu bawk. Lady Gaga hian American Horror Story: Hotel avangin Best Actress in a Limited-Series or TV Movie a dawng.

Golden Globes Awards sem zana mite mit fukna chu Leonardo DiCaprio leh Kate Winslet te an ni. Chanchinbu ṭhenkhatin 'Titanic a tuiral e' an ti hial. He mite pahnih hi Titanic avanga khawvelin a hriat lar chhoh kha an ni a, movie khawvelah chuan mi hlawhtling tak tak ve ve an ni. 'Steve Jobs' film-a a chan ṭhat avangin Kate Winslet hian Best Supporting Actress in a Motion Pictures a dawng a, Leonardo hian The Revenant vangin Best Director - Motion Pictures a dawng bawk.

Filmstar langsar dang dawng an awm nual a, Best Original Score dawngtu hi movie-a hla leh original soundtrack velah chuan hmanlai aṭanga tun thlenga mi ropui a ni. Best Original Score hi Ennio Morricone hnenah hlan a ni a, ani hi cowboy film lar leh, a music aṭang reng renga cowboy ruih mai 'The Good, the Bad and the Ugly' original soundtrack siamtu kha a ni a, Clint Eastwood channa tho, hit leh lar em em, 'For a few dollars more' original soundtrack siamtu kha a ni bawk.