Star Wars a la pui rem rem zel

Van indona hi khawvel hian a ngaihven mai bakah a hmu ch‚k a ni. Star Wars: The Force Awakens chu US bikah ngat phei chuan hapta lina atan pakhatna a hauh leh tawh a, record a rawn siam leh tawh.

Star Wars: The Force Awakens hi tunah hian theatre 4,134-a chhuah a la ni a, kar tawp chhung khan USD mtd41.6 lai mai a la thawk chhuak thei fo. US-ah he film hian USD mtd 812 ngawt mai a lalut tawh a, US-a film sum lalut hnem ber a nihna a rawn sawhnghet a, chu mai bakah movie, USD mtd 800 hmu tling thei hmasa ber a ni. A hmaa US bika sum thawk chhuak hnem thei ber chu Avatar kha a ni a, USD mtd 760.5 a ni a, a dawtah Titanic niin, USD mtd 658.7 a ni.

China-ah Inrinni aṭang khan tihchhuah a ni ve a, ni hnih chhung lekin China-ah hian USD mtd 53 zet mai a hlawh chhuak thei a, Inrinni leh Pathianni chhunga sum lalut hnem ber a ni. Star Wars: The Force Awakens hian khawvel pumah USD tld 1.73 zet a lalut tling tawh a, Jurassic World a rawn pel a, he movie hian USD tld 1.67 a lalut.

Pathumnaah Leonardo channa The Revenant a awm a, he movie hi kar tawp chhung khan theatre 3,375-ah tihchhuah a ni a, USD mtd 38 a lalut. The Revenant hmang hian Leonardo hian Golden Globes-ah Best Actor in Motion Pictures a dawng.

US box office

"Star Wars: The Force Awakens" - $ mtd 41.6

"The Revenant" - $mtd38

"Daddy's Home" - $mtd15

"The Forest" - $mtd13.1

"Sisters" - $mtd7.2

"The Hateful Eight" - $mtd6.4

"The Big Short" - $mtd6.3

"Alvin and the Chipmunks: The Road Chip" - $mtd5.5

"Joy" - $mtd4.5

"Concussion (2015)" - $mtd3.1