'Kan hlim lai' hla hmangin Lawmi Khiangte

Kum a thar a, Zo rimawi khawvelah Lawmi Khiangte-in hmun a rawn chang sang nghal a, Hontrade International Ṭhazual Lengzemah pakhatna a rawn luah. Lawmi Khiangte hi lengzem huang chhungah chuan hmei≠chhia kan neih ṭhat berte zinga mi an ni a, Ṭhazual chart-ah pawh hian pakhatna a lo hauh fo tawh a ni.

Lawmi Khiangte-in pakhatna a hauhpuina hla hi 'Kan hlim lai' tih hla a ni a, top 10-a a lan aṭangin a vawi thumnaah pakhatna a rawn luah thei a, pakhatna luah rang ber a tling ngei ang. December 14 khan 10-naah a rawn lang a, December 28 khan panganaah rawn kaiin, kum a thar meuh chuan pakhatna a rawn ni nghal dÍr thei.

Lengzem hmeichhe zingah chuan Lawmi Khiangte hi a ṭha berte zinga mi a ni a, tuna mi nena chart-a pakhatna hauh thei hla pathum a nei ta. 'Kum≠tluang atan' tih hla hmangin kum 2013 khan pakhatna a lo hauh tawh a, nikum khan 'Ruati tunge i ngaihzawng?' tih hla hmangin pakhatna a lo hauh tawh bawk.

'Kan hlim lai' tih hla hi Mizo zaithiam lar, tuna speaker ni ta, Joseph Zaihmingthanga phuah kha a ni. A hla a
ṭha a, a music video pawh a hmuhnawm hle. Joseph-a hnenah he hla sak a dil hian Joseph-a hian a phal hle a, hla lenglawng a nih avangin ani, Joseph-a tan sak a rem tawh lo bawk nen, Lawmi Khiangte hnenah hian a hlan a ni ber mai. Lawmi Khiangte hian a rawn sa fuh hle a ni.

Nikum December 28-a pakhatna Remkimi Cherput hla 'Zoawi lelte a fam ta' tih chu pathumnaah a chhuk thla a, Mathlenga 'Mizo thawnthu' chu pakhatna aṭangin pa≠hnihnaah a chhuk a, tunah hian pahnihnaah bawk a la awm. He hla hi Mizo thawnthu hrang hrang hmanga phuah a ni a, a hlu a, a satu a
thiam viau bawk a, a video a hmuhnawm hle. C. Sanga chu palinaah bawk a awm leh a, parukna aṭangin Mampuii Thlauhthang chu panganaah a rawn kai bawk.

Hontrade International Ṭhazual Lengzem 10-ah hian Abby Chongthu 'Na i ti lo'ng maw' tih hla hmangin pakuanaah a rawn lang thar a, kumhlui a liam ang bawkin Dr. Reuben leh a nu, Dr. Louis te sak 'Kumhlui liam tur' chu top 10 aṭangin a liam.

Hontrade International Ṭhazual

1 Lawmi Khiangte

- Kan hlimlai

2 Mathlenga

- Mizo thawnthu

3 Remkimi Cherput

- Zoawi lelte a fam ta

4 C Sanga

- Lendun a rem lawm ni

5 Mampuii Thlauhthang

- A pawi ngei e

6 F Zomuanpuia

- Don't let me down

7 Manuna

- A riang tawna'n

8 Ananda

- Zo lanu leng

9 Abby Chongthu

- Na I ti lo'ng maw

10 Manuna

- A saw tlang