Adele-i'n ro a rel rei

Billboard album chart-ah chuan Adele tluka ropui an la awm thei lo. Nikum November thlaa a album 25 a tihchhuah aṭangin Billboard Hot 200-ah pakhatna a la luah char char thei.

Adele album 25 chu chawlhkar 7-na atan pakhatnaah a awm leh a, kar liam ta chhung khan copy 194,000 zet a la hralh leh thei a, heng zinga copy 164,000 hi album pangngaiin a ni. Kum 1987 hnua hmeichhia zaithiam album, US album chart-a a zawna pakhatna vawi sarih hauh thei awm chhun a ni. Kum 1987 khan Whitney Houston chuan a album 'Whitney' hmangin pakhatna hi a zawnin vawi sarih a lo hauh tawh a, hemi hnu hian hmeichhe zingah, Adele rawn lan hma chu hetiang hlawhtlinna chang thei an awm leh ta lo.

Hei bakah hian kum 2002 hnua Billboard chart-a a zawna pakhatnaa hapta sarih chhung awm thei hmasa ber a ni. Kum 2002 khan Creed album 'Weathered' chuan pakhatna a zawnin vawi sarih a hauh a, hemi hnua vawi sarih lang leh thei awm chhun chu 25 hi a ni.

Pahnihnaah Justin Bieber album Purpose kha a awm a, copy 124,000 lai a la hralh thei cheu. Twenty One Pilots album Blurryface chu copy 52,000 hralhin pathumnaah a awm. Top 10-ah hian lang thar pakhat chiah a awm a, chu chu Rachel Paltten album Wildfire niin panganaah a rawn lang thei.

Billboard album chart

"25" - Adele (194,000)

"Purpose" - Justin Bieber (124,000)

"Blurryface" - Twenty One Pilots (52,000)

"Beauty Behind the Madness" - The Weeknd (45,000)

"Wildfire" - Rachel Platten (45,000)

"Made in the A.M." - One Direction (44,000)

"Traveller" - Chris Stapleton (41,000)

"Fetty Wap" - Fetty Wap (36,000)

"T R A P S O U L" - Bryson Tiller (35,000)

"1989" - Taylor Swift (32,000)