Bieber 'Sorry' a kaisang

Billboard single chart lamah chuan Adele aiin Justin Bieber a ropui tawh zawk a, a hla 'Sorry' chu pakhatnaah a rawn chuang chhuak.

Hapta riat chhung zet mai pahnihnaa a awm hnuin Justin Bieber-a hla hit 'Sorry' chu pakhatnaah a awm a, a hit tak tak tak ta. A zawnin hapta sarih chhung pahnihnaah a awm a, a zawn loin vawi khat dang pahnihnaah a lang bawk. 'Sorry' hla hi Justin Bieber-a hla, Billboard single chart-a pakhatna hauh thei pahnihna a ni.

'Sorry' hi Bieber-a album thar ber 'Purpose'-a mi a ni a, he album aṭang hian Bieber hian hla malin hla pathum a tichhuak tawh a, a hlawhtlinpui hle a, UK-ah phei chuan heng a hla pathumte hian
ṭum khatah pakhatna, pahnihna leh pathumna an hauh ṭhawt thei a ni. 'What do you mean?' a hit em em a, 'Love yourself' pawh a ropui. Adele hla 'Hello' chu pahnihnaah a chhuk thla thung.