Mobile Legends Tournament Champion - Zohunt

Chanmari Branch YMA buatsaih, Ather Electric Scooter Mobile Legends Tournament chu zawh fel a ni ta a, Zohunt an champion.

September 16 zan khan Chanmari YMA Hall-ah final neih a ni a, he hunah hian Zohunt leh Xerix Gang (XG) te intumin, Zohunt hi an champion ta a ni. Champion hian lawmmanah Rs 60,000 leh trophy an dawng a, pahnihna hian Rs 30,000 an dawng a ni. Pathumna chu Stepbros niin Rs 10,000 an dawng bawk.

Best Player atan Zohunt team aṭangin C.Lalmuankima (Dusty Mizo) thlan a ni a, Rs. 2000, trophy leh GAIA product (Rs. 2000 man hu) hlan a ni.

Final zan hian Cosplay Competition neih a ni bawk a, lawmman pakhatna dawngtu Christina Abolia, Chaltlang Mualveng chuan Rs.5,000, trophy leh thuziak a dawng. People’s Choice Award dawngtu chu Lalchuangkima Siakeng, Model veng a ni a, Rs.2,000, trophy leh thuziak pek a ni. Cosplay a tel zawng zawngte pawisa fai pek vek an ni bawk

Tournament hi September ni 4 aṭanga khelh ṭan niin team 86 an tel.