Rûkrû leh mi rîkrâptua puh man

Mission Veng hmun hrang hranga mi in eng emaw zata lut kuala rîkrâptu leh thil rûk hmang nia rinhlelh Johnny Lalremmawia (18) s/o Lalkohmawii chu Kulikawn police-te'n an man.

Police thuchhuah tarlan danin, Johnny Lalremmawia hian November 27, 2015 khan Mission Venga nufa chenna inah lutin, pindan chhunga luh tumin nasa takin a bei a, ṭhenawm te thâwm avangin a tlan-chhia a ni. A tlanchhiat hnuah RL Mangzika inah lut lehin, mobile phone a rûk hnuah a tlanbo a ni.

Johnny Lalremmawia hian December 3, 2015 zan dar 10:30 velah Mission Venga in pakhatah lutin, nula pakhat mu lai a rêk a, a screwdriver kenin nula nghawngah a hliam a ni. Mi dang thawm a hriat veleh a tlan-chhia a, a chhak lawka in pakhatah ventilation bar tichhiain a lut leh bawk.

Police-te'n ngawrh taka an chhui hnuah Johnny Lalremmawia chu January 11, 2016 khan an man a, finfiahna leh a inpuanna aṭangin pawi khawihtu dik tak an man niin an inhria a ni.