Mizo zirlaite leh Kiren Rijiju inkâwm

Serchhip district-a Mizo zirlai ṭhenkhat, Assam Rifles buatsaiha National Integration Tour neia zin mekte chu Thawhlehni khan Union minister of state for Home Kiren Rijiju nen an inkâwmho.

Inkawmhonaah hian zirlaite chuan tour an neihnaa an thil hmuh hrang hrangte an sawi a, Assam Rifles leh India sorkarin tour a buatsaihsak chu lawmawm an tih thu an sawi a ni.

Kiren Rijiju chuan, Mizorama Assam Rifles bakah, BSF leh CRPF ten Mizoram zirlaite tana National Integration Tour an huaihawt ṭhin chu thil ṭha tak a nih thu sawiin, "India rama hnam hrang hrangte tih dan leh ziarâng inhriat tawnna remchang a ni a, a lawmawm hle a ni," a ti a; zirlaite chu ram leh hnam tana ṭangkai nih tum turin a fuih.

Home Minister chuan, Mizoram chu India rama state ralmuang berte zinga mi a nih thu sawiin, "Inkalpawhna ṭha leh hmasawnna ruhrel ṭha zawk nen khualzin mite tan zinna hmun ṭha tak a ni," a ti a; Mizoram khawpui Aizawlah mi an bit bik em avangin, Mizoram chhim lam tihhmasawn a ṭul thu a sawi.