ASI-in excavation work an kalpui

Archaeological Survey of India (ASI) chuan, Mizo pipute sûlhnû zir chianna turin Vangchhia-ah excavation work an ti mek a, chumi zawhah archaeological survey an ṭan dawn.

ASI director general Dr Rakesh Tiwari leh superintending archaeologist Dr MK Chauley ten October 2015-a khawchhak tlangdung an fannaah Mizoram khaw tina archaeological survey neih an rawt a; chumi bawhzui chuan INTACH Mizoram Charter hruaitute chuan Myanmar ramri dep khaw ṭhenkhat, RD Block - Ngopa, Khawzawl, Champhai, Khawbung, Lungdar, Hnahthial, Sangau, Saiha, leh Tuipang block chhunga mite chu bul ṭan nan hman turin ASI-ah rawtna an thlen a ni.

INTACH Mizoram Chapter convener P Rohmingthanga hnen aṭanga thu dawn danin, INTACH rawtna chu ASI chuan a pawm a, tunah hian Dr MK Chauley hoin Vangchhia-ah excavation work an kalpui mek a; chumi zawhah archaeological survey an ṭan dawn a ni.

P Rohmingthanga chuan, archaeological survey chu Mizoram puma neih a nih hnuah chuan archaeology lama Mizo pipute sûlhnû hriat danah a chiang lehzual thei dawn tih a sawi a, "Record rintlak tak felfai takin kan nei ang a, kawng tam takah kan ṭangkaipui hle ang," a ti.