BJP President-in mawhphurhna la tan

BJP Mizoram Pradesh chuan nimin khan an party pisaah Mizoram state president hlui leh tharte'n mawhphurhna inhlanna hun an hmang a; president thar Prof. JV Hluna'n president kal chhuak Lalhluna hnen
aṭangin mawhphurhna a la ṭan.

Prof. JV Hluna chuan, Mizoram mipuite kum 2016 atan chibai a bûk a; mipuite bakah, party, tlawmngai pawl leh kohhran hrang hrangte chu ram leh hnam tana an thawhna kawngah finchhuaha thurâwn pe tura sáwmin, "MUP, MHIP, YMA leh student body-te'n hmachhawp in neih
ṭheuh ka ring a, chu'ngah chuan ṭangkaina ka neih phawt chuan in tan ka inhawng reng a ni," a ti.

Mizoram BJP President chuan, Mizoram sorkarin sorkar laipui a dàwrnaah ṭangkaina an nei a nih chuan engtik lai pawhin puih a inhuam reng thu a sawi bawk.