Aizawl hmasawn nan AMC-in sorkar A thawhpui thiam a ngai: c Minister

Aizawl Municipal Corporation (AMC) conference hall-ah nimin khan 'Orientation programme for elected AMC councillors, 2016' buatsaih a ni a, UD&PA minister Zodintluanga'n hmanpuiin, AMC webpage a hawng nghal. Minister chuan. Aizawl khawpui hmasawnna atan AMC-in state sorkar a thawhpui thiam a pawimawh thu a sawi.

Orientation programme hi AMC commissioner Dr H Lalthlang-liana'n a kaihruai a; Zodintluanga chuan, "AMC member-te tana tih tur leh mawhphurhna a lian tual tual a, bul ṭanna ṭha a awm loh chuan a kal leh zelna turah a buaithlak tawh ṭhin avangin a tìr aṭanga zir nghalin hmalak a awlsam a ni," a ti. AMC councillor-te chu training programme ngai pawimawh tur leh mithiam tak tak zirtirtu tur an ruatte hnenah an hriat lohte zâwt ṭhin turin a chah.

Zodintluanga chuan, Aizawl hmasawn zelna atan AMC member-te ṭanrualna a pawimawh thu states sorkar pawh an thawhpui thiam a ngai thu a sawi a, "AMC member-te chuan mipuite tana thawk an ni tih an hriat reng a pawimawh," a ti.

UD&PA Minister chuan, hnathawktu kal loh thuhlaah file kal buai loh nan leh anmahni dawrtu mipuite tana hna khaihlak loh nan an tih theih chinah AMC-in remruatna an siam hi a lawmawm hle a ni," a ti a; AMC member-te chu mipuite tana thawk an nih hre reng turin a fuih.

AMC member-te tana tih tur leh mawhphurhna a lian tial tial tih sawiin Zodintluanga chuan, "A bul ṭanna ṭha a awm loh chuan a kal leh zelna turah a buaithlak tawh ṭhin a, a tìr aṭanga zir nghalin hmalak a awlsam a ni," a ti.

UD&PA Minister chuan, AMC webpage hawn tak chungchang sawiin, "AMC hnuaia dilna form hrang hrangte AMC office pan kher ngai loa mahni in aṭanga download a, hman theih mai tur a chhawpchhuah a ni hi a lawmawm hle," a ti a; webpage chu mipui mamawhtute'n an chhawr ṭangkai ngei a beisei thu a sawi.

AMC hnuaia dilna form leh chumi atana hriat tur ṭul hrang hrang download na tur hi AMC website www.amc.mizoram.gov.in ah dah a ni a, form hrang hrangte chu download theih a ni.