Chak zawka hnathawk turin ngen

Thorang bialtu MLA Zodintluanga leh West Tuipui bialtu MLA Nihar Kanti Chakma chuan nimin khan NHIDCL executive director (projects) Virindra Kumar Jakhar chu a pisa-ah an kawm a, national highway (NH) 302, Lunglei leh Tlabung inkar kawng siam hna chu chak zawka thawk turin an ngen.

Congress MLA pahnihte hian Lunglei-Lungsen-Tlabung kawng hna thawh a muan em avang, mipuiten harsatna nasa tak an tawh phah avangin NHIDCL hotu hi a pisa-ah kawmin, chak zawka hnathawk turin an ngen a ni.

NHIDCL Executive Director chuan, "Kan dinhmun hi hrehawm kan ti hle. contractor inthlak leh ruahtui avangin harsatna nasa tak kan tawk a, Lungsen to Tlabung kawng dinhmun hi nitin kan zawtin kan buaipui reng. Chak lehzualin hma kan ṭang ang a, theihtawpin hma kan la ang," tiin a lo chhang.

Congress MLA pahnihte hian mipui harsatna nasa tak tawkte dinhmun chu ngai pawimawh a, Lunglei to Tlabung, NH 302 chu a bik taka ngaihven zual turin NHIDCL Executive Director hi an ngen a ni.