Mim Kut hman a ni dawn

Social Welfare minister Lalrinawma chuan nimin khan a pisa-ah thuthar thehdarhtute kawmin, September 9, 2023 hian a ṭum khatna atan Mizoram sorkar buatsaihin Mim Kut hman a nih dawn thu a sawi. Lalrinawma hi Mim Kut chungchanga State Level Steering Committee chairman a ni.

Lalrinawma chuan Mim Kut hmanna atan Ministry of Tribal Affairs aṭangin cheng nuai 20 hmuh a nih thu sawiin, "Kan sum hmuh a tam loh avangin Lammualah hman duh mahila, Vanapa Hall-ah hman tura thutlukna siam a ni ta a ni. Mizoram sorkar sum cheng khatmah hman a ni dawn lo," a ti a, Mim Kut chu kumtina hman chhunzawm zel tum a nih thu a sawi.