MZP hla inphuahsiak result puang

MZP chuan nimin khan an pisa conference hall-ah MZP Hla Inphuahsiak result puanna leh lawmman semna inkhawm an buatsaih a, additional chief secretary JC Ramthanga'n a hmanpui.

Hla inphuahsiakah hian hla 75 a lût a, K Lalhmahruaia phuah 'Kan chhuang zel dawn MZP' tih chu pakhatna a ni. Hla ṭha zual pathumte music video an siam, 'Chhawkhlei Music Video Album' chu khuallianin a tlangzarh nghal a ni.

JC Ramthanga chuan, Mizote hnam anga an dinchhuahna turin zirna uar lehzual a ṭul tih sawiin, "Zirna sang zawkah Mizote kan ṭan a ṭul. Kan ramah zirnain hma a sâwn theih nana sorkar, zirlai pawl, NGO-te hmalaknate hi zirlaite'n ngai pawimawh chungin tih tak zetin kan zir a ngai a, India ram state dangte kan ûm a ngai. Hnam dang awp behna laka kan him theih nan UPSC exam-a inziak tling thei turin zirlaite kan inbuatsaih a ṭul a ni," a ti.