KṬP General Conference leh HSLC result
Mizorama kohhran ṭhalai inkhawmpui lian ber, KṬP General Conference neih leh HSLC exam inrual ṭhin hian titi a titam ṭhin a; KṬP General Conference leh Chapchar Kût inrual zauh ṭhin pawhin sawi a hlawh fo bawk.
KṬP General Conference thlengtu khuate'n mikhual an ngah ṭhin a, mikhual 100 chuang neite pawh an awm ṭhin. Hei vang hian a thlengtu khuaa zirlaite zirna a khawih buaia ngaihna te, a hma lama inbuatsaihna nasa tak neih a ngaih vang leh mikhual thlen tlaia mikhual sem tura zirlai naupangte hman an nih ṭhin avangin matric result pawhin a tawrh phaha ngaih theih turin sawi a awm fo.
Vanglaini chanchinbu chuan tun hnai kum nga chhunga HSLC result leh KṬP General Conference thlengtu khaw pathum Mamit, Thenzawl leh Khawzawl khua high school hrang hranga HSLC result-te a zir chiang a ni.
Zirchiannaa a lan danin, KṬP General Conference inbuatsaihna leh conference laia a boruak avangin a thlengtu khuaah matric result a chhiat phah chuang lo nia hriat a ni.
Khawzawl
KṬP General Conference vawi 55-na chu February 27 - March 2, 2014 chhungin Khawzawlah nghah a ni. Khawzawlah hian high school pathum - Khawzawl H/S, Far-East Experimental School leh Presbyterian English School-te a awm.
Khawzawl khuaa English medium school-te chuan result an nei chhe ngai lo a, tun hnai kum nga chhung hian Presbyterian English School phei chu 100% result an nei ziah a ni. Far East Experimental School-ah kum 2011 khan HSLC-ah 66.66% an pass a, hei hi tun hnai kum nga chhunga an pass chhiat ber ni mah se, kum dangah erawh an pass percentage a ṭha tlangpui.
HSLC exam-a Khawzawl H/S tihchhiat ber kum 2010-ah 56% an pass a, kum 2013-ah pawh 53.33% an pass. KṬP General Conference an thlen kum, 2014-a an HSLC pass percentage chu 81.63% a ni a; first division-ah mi pali an lang.
Khawzawla H/S-te HSLC result
School 2010 2011 2012 2013 2014 2015
Exam Pass Exam Pass Exam Pass Exam Pass Exam Pass Exam Pass
Khawzawl H/S 23 13 (56%) 21 20 (95.23%) 24 20 (83.33%) 30 16 (53.33%) 49 40 (81.63%) 41 35 (85.36%)
Far-East School 16 15 (93.75%) 15 10 (66.66%) 28 28 (100%) 23 20 (86.95%) 23 23 (100%) 27 25 (92.59%)
PES 12 12 (100%) 16 16 (100%) 27 27 (100%) 37 37 (100%) 22 22 (100%)
Thenzawl
Kum 2012-a March 1-4 chhunga KṬP General Comnference vawi 54-na neihna Thenzawl khuaah high school pathum - Thenzawl H/S, Vantawng H/S leh Lallengvunga H/S-te a awm. High school pathuma kum nga chhunga HSLC result zirchiannaa a lan danin, KṬP General Conference an thlen kum, kum 2012-ah HSLC result-ah, Thenzawl H/S-ah 85.71% an pass a, Vantawng H/S-ah 81.25% leh Lallengvunga H/S-ah 58.62% an pass.
Hetih lai hian, Lalengvunga H/S bikah chuan, inkhawmpui lian an thlen hnu kum, 2013-ah HSLC result chu 50% leh 2014-ah 40% a ni a; kum 2015-ah erawh chuan 93.33% an kai thung.
Thenzawla H/S-te HSLC result
School 2010 2011 2012 2013 2014 2015
Exam Pass Exam Pass Exam Pass Exam Pass Exam Pass Exam Pass
Thenzawl H/S 26 24 (92.31%) 11 8 (72.72%) 14 12 (85.71%) 24 14 (58.33%) 21 16 (76.19%) 13 5 (38.46%)
Vantawng H/S 22 20 (100%) 15 15 (100%) 32 26 (100%) 39 29 (74.35%) 39 30 (76.92%) 25 22 (88%)
Lallengvunga H/S 55 46(83.69%) 19 15 (78.94%) 29 17 (58%) 32 16 (50%) 25 10 (40%) 15 14 (93.33%)
Mamit
March 4-7, 2010 chhung khan Mamit khuaah KṬP General Conference neih a ni a, Mamitah hian Mamit H/S, Mamit H/S-II leh St. Francis of Assisi School-te an awm. Heng H/S pathumte result hi zirchian a ni a, H/S dangte chu kum hmasa lamah din a la nih loh avangin telh an ni lo.
School pathum aṭang hian zirchianna hi a kima a lan theih tho avangin zirchianna atan hman an ni a. Kum 2010-ah hian Govt Mamit H/S in 88% an pass a, Mamit H/S II in 80% an pass a, St Francis of Assisi in 100% an pass a, hemi kum bik en phei hi chuan KṬP General Conference hian result a nghawng lo tih hriat a ni. St Francis of Assisi hian kum 2013-ah 88.88% an pass tih loh chu kum nga chhung hian 100% vek an pass a ni.
MAMIT H/S-te HSLC result
School 2010 2011 2012 2013 2014 2015
Exam Pass Exam Pass Exam Pass Exam Pass Exam Pass Exam Pass
Mamit H/S 25 22 (88%) 23 22 (95.65%) 38 26 (68.42%) 33 21 (63.63%) 46 33 (71.73%) 32 28 (87.5%)
Mamit H/S-II 10 8 (80%) 9 7 (77.77%) 8 7 (87.5%) 22 14 (63.63%) 14 6 (42.85%) 9 6 (66.66%)
St. Francis of Assisi 9 9 (100%) 11 11 (100%) 18 17 (94.34%) 18 16 (88.88%) 22 22 (100%) 30 30 (100%)