KHAWTHLIR

CYMA-in award A dawng dawn

Election Commission India (ECI) chuan Best Electoral Practices Award, 2015 dawng turin Central YMA a thlang. ECI lehkhaa tarlan a nih dan chuan Central YMA-in chawimawina a dawn tur hi 'National Civil Society Award for The Best Campaign on Voter Education and Award' tih a ni a, vote nei theite electoral roll-a thun an nihna tura hna a thawh ṭhat vang leh vote thlak pawimawhzia mipuite zirtirna kawnga a thawh ṭhat avangin chawimawina dawng tur hian thlan an ni.

Mi 1,314 admit

December 2015 chhung khan Aizawl Civil Hospital-ah mi admit 1,314 an ni a, mi 72 an thi. OPD leh Casualty-ah mi 27,747 an inentir a, nau piang 356 an awm. X-Ray-a en 1,988, laboratory-a en 51,273, khawl danga en 3,248 leh Mizoram páwna thawn mi 109 an awm bawk.

Ken theih titlem

Air India Ltd. chuan thuchhuah siamin, frequent flyer hmangtute atan free baggage kg. 25 bakah kg. 10 ken belh theih ni ṭhin chu January 1, 2016 aṭangin bungrua kg. 10 ken belh theihna chu tihtawp a nih thu an tarlang.

Kal theih loh

PWD leh Reiek Joint Action Committee chuan thuchhuah inṭawm siamin, January 21 aṭangin Aizawl to Reiek kawng siam ṭhat a nih dawn avangin, thuchhuah dang a awm hma chuan zing dar 9:30 aṭanga tlai dar 3 thleng lirthei eng chi mah kal phal a nih dawn loh thu an tarlang. Hei hian emergency case chu a huam lo ang.

Survey zo

National Highway 44-A aṭanga Lengpui bul penga Mizoram chhim lama Multi Modal Transit Transport Project kawng, Bungtlang South-a pawh tur, World Bank kawngpui sial tur helicopter aṭanga survey hna chu nimin khan zawh fel a ni.