Ṭhuampui leh Zuangtui inrinaah ruang chhar a ni

Nimin zing dar 7:30 vel khan Ṭhuampui leh Zuangtui inrìna, sipai tui-khur luikawrah Vanlalṭhafamkima (33) s/o Lalthanchhunga, Zem-abawk ruang chhar a ni a, nimin vek khan Aizawl Civil Hospital-ah endik a ni.

Thu dawn danin, Van-lalṭhafamkima ruang hi kawng thlang lam, kawng aṭanga metre 10 vela hlaah hmuh a ni a, a kêah pem lian vak lo a awm tih loh chu hmuh theihah hliam dang hmuh a ni lo. Amah hi Ṭhuampuiah nupui fanau neia awm a ni a, tun hnaiah Zemabawka an inpuiah a riak
ṭhin a, Pathianni tlaia Ṭhuampuia an ina chaw a ei zo chu zan dar 8 velah Zemabawk panin a haw niin an sawi.