Lirnghing avanga buaina tawk Naupangte dinhmun zirchiang

Champhai District Child Protection Unit (DCPU) leh Cham­phaia Disaster Management & Rehabilitation (DMR) department chuan team paliah inṭhenin, Tuipuirala lirnghing tuarna zual khaw 10-a naupangte chungchang zir turin nimin khan Tuipuiral khaw hrang hrang an tlawh.

Team hrang hrang hian Village Level Disaster Management Committee-te kâwmin, harsatna tâwk nasa zual naupangte chu an inah an tlawh a, harsatna an tawh dan an zawt. Nu leh pa leh an chhungte chu naupang enkawl dan leh venhim dan an zirtir bawk. Lirnghing vanga naupang chîâi zual pakua report dawn a ni. Team-te hian nimin khan Sesih, Sazêp, Lianpui, Khuangthing, Bung­zung, Dungtlang leh Sam­thangte an tlawh a, vawiinah khaw dang an tlawh leh ang.