Vairengteah sipai leh khawtual mi intibuai

January 17, Pathian-ni zan dar 9 vel khan Vairengteah sipai leh khawtual mi an intibuai a, hun eng emaw chen buaina a chhuah hnuah zing dar 4 velah inremna an siam.

Vairengte aṭanga thu dawn danin, Vairengte mi pali, auto-rickshaw hmanga IOC Veng
aṭanga an léng haw chu sipai gate-a duty-in a lo au a, anni pawhin an au let ve a, an buai zui ta a ni. Sipai lam hi mi 10 vel an ni a, Vairengte mi pathum an hliam a, sipai lamah pawh pakhat a hliam. Khawtual mi pakhat tih loh chu hliam ná an awm lo.

Sipaite hian mi pakhat chu an hréng a, hei hi Vairengte mipui chuan an la chhuak a ni. Sipaite hi Vairengte police station-ah hruai an ni a, mipuite chuan an chhuah
hlauhin PS pawnah an veng zui a ni.

Nimin zing khawvar hma, dar 3:30 vel khan police-te kaihhruaina hnuaiah hliam chhung te, sipai hotute leh Vairengte khawtlang hruaitute chu inbiain, inremna an siam. An inremnaah chuan, hliam na ber chu sipaiin an damdawi-inah an enkawl ang a, thla
khat chhung ration an pe dawn a ni.