Saiha College kalhsak hawn a ni

Saiha College building sak lai, mamawhna vanga luah tawh, a satu contractor-in bill lak tur nawr nana January 13, 2016-a a kalh chu Saiha District Magistrate ngen angin January 18 khan hawn leh a ni.

Thu dawn danin, Saiha additional DC N Chakhai chuan Saiha College building chu hawng leh turin contractor Laibi Chozah a ngen a; sorkar aṭanga building sakna bill lak tur a la neih pawh a lak thuai theih nan sorkarah dilpui a tum thu a hrilh avangin contractor chuan thla khat chhung hman turin building chu hawn a remti ta a ni.

Contractor-in building hawn a remtih tak avangin Saiha College building chu Thawhṭanni khan hawn ṭan a ni a, nimin khan class ṭan a ni.

Hetih lai hian, Higher & Technical Education secretary K Lalnghinglova chuan, Saiha College building sakna sum chu DoNER aṭanga hmuh a ni a, tuna sum la pek loh chu DoNER aṭanga dil chhuah dan tur ngaihtuah mek a nih thu a sawi.