Hmeichhe naupang humhimna hun hmang

Nimin khan Khaihra Memorial Hall, Saihaah hmeichhe naupang chhanhimna tur programme, Beti Bachao, Beti Padhao tih thupui hmangin awareness campaign leh cultural show buatsaih a ni a, Saiha DC R Zarzosanga'n a hmanpui.

R Zarzosanga chuan, India ram hmun ṭhen-khat-ah hmeichhia leh mipa enhranna a awm ṭhin
avangin programme buatsaih a nih thu a sawi a, "Saiha district chhung-ah naupiang hlim thihna a tam avangin a tireh turin state leh central sorkar buatsaihin nasa taka hmalak a ni a, zirlai naupangte hi kan khaw-tlang leh society-ah an pawimawh a, zirtirna ṭha
pek an ngai a ni," a ti.

Saiha chief judicial magistrate Dr HTC Lalrinchhana chuan, hmeichhiate chu mipa-te aia chak lo zawk an nih avangin India ram danpuiin a humhalh tlat tih sawiin, "Hmeichhia-te laka hleilenna zawng zawng hi danin a khap tlat a ni," a ti a; hmeichhe chunga hleilenna thleng a awm chuan thuneitute hnenah thlen vat tur a nih thu a sawi.

Inkhawmah hian Aizawl aṭangin cultural troupe leh MTP headquarters, Saiha ten hnam lâm chi hrang hrang an entir a, zaithiamte an zai bawk.