Police-in ILP nei lo mi 43 an man

Aizawla police station hrang hrangte chuan, January 16, 2016 khan Aizawlah hnam dang, Inner Line Permit (ILP) nei loa awmte enfiah beihpui an thlak a, dan bawhchhia mi 43 manin, Court-ah an thawn.

Police thuchhuah tarlan danin, January 16 zinga hnam dang ILP nei lo mi 43 an mante chu Court-a hruai an nih hnuah, mi pakhat chhuahtir leh a ni a, mi pathum chu tâng tura tih niin, mi 16 chu ILP buaipui lai an nih avangin permit an tihfel nan hun pek an ni. Mi 23 chu an awmna state-a thawn let tura tih an ni thung.

Court-in Mizoram páwna thawn lêt tura a tih mi 23-te chu January 16 tlai khan police motor hmangin police vênna hnuaiah Mizoram leh Assam ramri thleng phurh a ni.