Apex Bank-in an dinhmun an thlirlet Kum 2014 aiin 2015 ah hma an sawn

Mizoram Co-operative Apex Bank Ltd.-in chuan nimin khan Co-operation minister Lalrinmawia Ralte hoin kum 2015 chhunga an dinhmun an thlir let a, kum 2014 aiin hma an sawn tih tarlan a ni.

Lalrinmawia Ralte chuan Co-operative Apex Bank hnathawh dan chu lawmawm a tih thusawiin, huam zau zawka mipuite rawng an bawl theih nan nasa zawka ṭan la turin hnathawktute a fuih.

December 31, 2014 lehDecember 31, 2015 a an bank dinhmun an khaikhinna-ah chuan kum 2015 chhunga he sum dah punna chu cheng vaibelchhe 112. 62 a ni a, hemi chhunga sum an puktir chu cheng vaibelchhe 53.18 a ni.

Meeting-ah hian Apex Bank hnathawh chi hrang hrang leh ṭan lak zel tum dan pawh sawiho a ni.