Minister-in MIFCO hmun a tlawh

Commerce & Industries minster Dr R Lalthangliana chuan nimin khan Chhingchhipa Mizoram Food and Allied Industries Corporation Ltd. (MIFCO) hmun a tlawh a; bahlah awm loa thei tui quality ṭha tak, a leitute tan pawha lei man awm tak siam chhuah reng a nih theih nan ṭan lak a ṭul thu a sawi.

Dr R Lalthangliana hian thawktu leh khawl mamawh dante a endik nghal a; MIFCO thei tui sawrna hmunah hian lakhuihthei leh sapthei tui sawr ṭhin a ni a, mipui hnena hralh chhuah turin squash-ah an siam ṭhin a ni.

Chhingchhip leh a chhehvel khaw hrang hrangah loneitute thar chhuah lakhuihthei leh saptheite an leikhawm ṭhin a; Fruit Juice Concentrate Plant aṭang hian squash hi ni khatah um 300 vel an siam ṭhin. Kum tin metric ton 10-15 vel Sikkim state-ah an thawnchhuak niin sorkar thuchhuahin a tarlang.