Driver-ten kawng an siam

Zoram Driver's Union (ZDU) Bilkhawthlir Unit chuan Bilkhawthlir Kharzawla kawng khuar chhe nasa, lirthei tana chetsual hlauhawm lai chu nimin khan hnatlangin an siam ṭha.

Bilkhawthlir aṭanga thudawn danin, Bilkhawthlir Kharzawla kawng chhia hi a khuar thukin, truck a lo let tawh. Hei vang hian ZDU Bilkhawthlir Unit chuan hnatlang koin kawng siam hna hi an thawk ta a ni.

Helai kawng hi Ratna Company enkawl lai niin, ZDU hruaitute hian Ratna lam hi an be hmasa tawh a, tui paihna a awm loh avangin helai kawng hi siam ṭhin mah se, a chhiat lehzel avangin siamthat hleih theih a nih loh thuin an lo chhang.

ZDU hruaitute hian lung an ngaihtuah theih chuan hnatlanga an siam theih thu an sawi angin Ratna lam hian lung hi a hmunah dahin, ZDU lam hian hnatlangin a siam hna hi an thawk .

Lung hi trip khat chiah Ratna lam hian an dah theih avangin siam hleih theih a ni lo. Naktukah trip 10 an dah leh dawn a, chumi hmang chuan siam chhunzawm a ni ang.