Champhaiah Operation Dawihlo kalpui

Champhai District Police chuan September 9, 2023 aṭang khan kumina MLA inthlanpui lo awm turah inthlanna felfai a awm theih nan dan kalha zu siam tih remna tur beihpuithlakna ‘Operation Dawihlo’ an kalpui ṭan a; zu leh zu bilh lai litre 8,491 an ti chhe tawh.

Sorkar thuchhuah tarlan danin, Champhai Police-te hian September 9-19, 2023 chhung khan zu leh zu bilh lai litre 8,491 leh zu siamna hmanrua hrang hrang Rs. 26,10,900 man hu vel an man tawh a; hemi kaihhnawihah hian MLP Act hnuaiah thubuai paruk ziahluh niin, mihring panga man an ni tawh bawk.

Champhai Police chuan ruihhlo dona kawngah mipuite thawhpuina leh ṭawiawmna an ngen a ni.