X hman man a awm maithei

Online platform X, Twitter tia hriat ṭhin chuan user-te chu monthly fee a chawitir tawh mai thei tih a neitupa, Elon Musk chuan a sawi.

Elon Musk hian nikum October thla khan USD tld 44-in Twitter hi a lei a, a lei hnuah a hming, X-a a thlak bakah thil dang tam tak a tidanglam tawh. Thawktu sang tel banin, paid premium option a siam a, content kalphung pawh tidanglamin, a hmaa an lo tihtawpsak tawh account-te a tihnunsak leh a, heng zingah hian US President hlui Donald Trump pawh a tel.

Musk chuan Israel prime minister Benjamin Netanyahu nena an inkawmnaah monthly fee chungchang hi sawi chhuakin, X system hmangte tana monthly payment siam chu account lem, Bots tam lutuk thenfaina tura kawng a hriat awm chhun a ni tih a sawi.