Kan party-in sàn lam a pan zel - MNF Adviser

Chhiahtlang MNF Joint Committee chuan nimin khan Chhiahtlang Commu­nity Centre-ah mithar lawmluh inkhawm an buatsaih a, an hun hmanpuitu MNF adviser Lalrinawma, minister chuan an party-in sàn lam a pan chho zel niin a sawi.

Lalrinawma chuan MNF chu Mizo nationalism kengtu a nih thu sawiin, "Kan hnam, kan ram leh kan sakhua a him zelna tura thawktu kan ni. Kan inng­hahna thupui chu Pathian leh kan ram tan, tih a ni. Pathianin kan party hi min hruai zel dawn a, han kal sual châng han nei mahila , Pathianin min hruai zel avangin kan kang leh ṭhin a ni," a ti.

Eng eng emaw harsatna neuh neuh karah an hotute'n ngaihtuahna fim tak karah ruahmanna an siam tih sawiin MNF Adviser chuan, "Vawiinah chuan kan party-in sân lam a pan chho ta zel. Hnam party kan nihna hi a hluin a pawimawh em em a ni," a ti a, harsatna hrang hrang karah Mizoramah hmasawnna hrang hrang a thlen thu a sawi.

Lalrinawma chuan inthlan an hma­chhawn leh dawn tih sawiin, "Harsatna hrang hrang kan hmachhawn karah Pathianin hun ṭha hi min pe leh dawn a ni tih hi ka ring tlat. Chumi atan chuan taima takin theihtawp kan chhuah tlang leh dawn a ni," a i.

MNF thuchhuah tarlan danin, MNF Adviser hian Congress party aṭangin voter 156, ZPM aṭangin voter 39, neutral aṭangin voter 23, PC aṭangin voter pathum leh BJP aṭangin voter pahnih, an vaiin voter 283 MNF-ah a lawmlut.