Saiphai community hall hawng

Serlui bialtu MLA Lalrinsanga Ralte chuan nimin khan a bial chhung Saiphaiah community hall sak thar a hawng. 

Lalrinsanga Ralte chuan, community hall a hawn tak chu Saiphai khaw tana pawimawh tak, chhiat ṭhat leh vantlang pawimawha an mamawh em em a nih thu sawiin, "Saiphai khaw tan malsawmna a nih ngei ka beisei," a ti a, dimdawi tak leh duat taka enkawl turin Saiphai mipuite a chah.

Hall hawn tak hi Rajya Sabha MP fund leh RD dept. hnuaia sum hmuh aṭangtea sak a ni a; a dung ft. 75 leh a vang ft. 37 niin, mi 500-600 inkar leng thei tura ngaih a ni.